From narren@allgaeu.org Tue Sep 14 15:31:22 1999 From: =?iso-8859-1?Q?Bruno_Sch=F6llhorn?= Newsgroups: alt.aeffle.und.pferdle Subject: Wegbeschreibung Date: Tue, 14 Sep 1999 06:41:09 +0200 Organization: Buergernetz Allgaeu e.V Lines: 61 Message-ID: <7rkjjd$qfc$1@janeway.allgaeu.org> NNTP-Posting-Host: dyn-020.li.allgaeu.org Mime-Version: 1.0 Content-Type: text/plain; charset="iso-8859-1" Content-Transfer-Encoding: 8bit X-Trace: janeway.allgaeu.org 937284013 27116 195.222.120.20 (14 Sep 1999 04:40:13 GMT) X-Complaints-To: news@allgaeu.org NNTP-Posting-Date: 14 Sep 1999 04:40:13 GMT X-Priority: 3 X-MSMail-Priority: Normal X-Newsreader: Microsoft Outlook Express 5.00.2014.211 X-MimeOLE: Produced By Microsoft MimeOLE V5.00.2014.211 Path: news.uni-ulm.de!news.belwue.de!news.uni-stuttgart.de!news.fh-hannover.de!news-han1.dfn.de!news-nue1.dfn.de!allgaeu.org!not-for-mail Xref: news.uni-ulm.de alt.aeffle.und.pferdle:19696 Guata Morga mitnand, etzt schick i dia Wegbeschreibung fiers Treffe am Samschtig oifach dohanne in d'Grupp, weil i afange nemme woiss, welle Mailadress von de oinzelne Leit wirklich gilt, do hont nemlich im lauf dr Zeit manche zwoi odr drei (wia z.B. der Bruno :-) )vrschiedene Mailadresse, und i woiss it, welle i nemme soll. WEGBESCHREIBUNG ZUM PARKPLATZ: D'Afahrt noch Wange, dia werret scho alle finde. Dia, wo vo Ulm-Memminge herfahret, kommet kurz vor Wange wiedr auf d'Autobahn. Do nemmet'r am beschte dia ZWOIT Autobahnausfahrt (Wangen-Ravensburg), denn isch dr reschtliche Weg gleich wia dia, wo iebr Raveschpurg kommet. Also - Ausfahrt nemme, und dett LINKS Richtung Wangen. Noch Wange neifahre, immr gradaus auf dr Hauptschtroß bleibe. Wemmr langsam ind Schtadtmitte kommt, goht's noch emol de Buckl nab, und do iebr d'Eisebahnschiene. Dett nomol gradaus de naechschte Buckl nabfahre. Etzt obacht: direkt am End vom Buckl gohts RECHTS. Auf dera Stross bleibe, links saehet r glei es erschte von de Wangemer Schtadtdor. D'Schtross macht denn e leichte Linkskurv. Denn kommt dia erscht Ampl - gradaus weitr auf dia gross Kreizung, und do auf de linke Seite eiordne fier d'Richtung GRADAUS (NICHT rechts - denn do gohts noch Lindau). An daere Ampl saehet Ihr links es zwoite Wangemer Schtadtdor. Also - GRADAUS iebr die Ampelkreizung, denn goht es de Buckl nab. Unte am Buckl saehet Ihr rechts danne den MILCHPILZ, en Kiosk in Form von eme Fliegepilz. Do drhintr isch en grosse Parkplatz. Drum glei noch dem Pilz noch RECHTS abbiege, nomol RECHTS, und denn sind r an de Eifahrt von dem Parkplatz. Sollte der Parkplatz scho voll sei, wenn Ihr kommet, denn kennet r wiedr rausfahre aus em Parkplatz, fuchzg Mettr ZRUCK zur zwoite Rechtsabbiegung, und dett wiedr RECHTS fahre, do isch glei nomol en grosse Parkplatz, wo Ihr also beschtimmt e Plaetzle fier Eiern Goeppl findet . WEGBESCHREIBUNG ZUM FIDELISBECK: Auf em Parkplatz vor zum MILCHPILZ laufe. Glei dett isch an Fuassgaengerueberweg, auf dia ander Schtrossaseit numgange und wieder den Buckl nauflaufe zum "LINDAUER TOR". Do ganget r durchs Fussgaengertor durch, und nochert sind r scho mitte dinne im Schtaedtle. Auf de rechte Seite goht DIREKT NOCH EM TOR e Gaessele hintre. Do laufet r hintre. Do isch es dritte Gschaeft mei Baschtellaedele. An dem ganget Ihr vorbei, und drnoch links. Dia broit Gasse isch dr Kellhof. Auf dr linke Seite kommet zerscht dia Schtuehl von ema Kaffee, und drnoch dia Schtuehl und Tisch vom Fidelisbeck. Wenns schee Wettr isch, denn hocket mr do dusse. Wenn it, denn ka mr do au von hinte ins Haus neigange, und links isch d'Gaschtschtube. Also, des findet Ihr scho, do bin i mir sicher. Und Ihr werret mi scho erkenne: graue Hoor und dicke Bauch - so viel werret u dia Zeit scho it eso rumhocke :-) Also dann Guate Fahrt Bruno